Neema ya Ajabu

Nyenzo za Usalama > Juma 1 > Dokezo

Dokezo: Habari! Karibu kwenye Nyenzo za Usalama za FAST—mpango mdogo rahisi uliokusudiwa kukupa ladha ya maana halisi ya kuwa Mkristo aliyejawa furaha. Somo hili unalokaribia kuanza ni la kwanza kati ya matano. Ukishamaliza yote, siyo tu kwamba utajua tu kile kinachohitajika ili kuokoka kama Mkristo—utajua jinsi ya kustawi! Weka juhudi fulani katika masomo haya. Utajifunza mengi, na yatakusaidia kukuza hatua yako ya kwenda pamoja na Mungu. Pia utapata kitu cha thamani sana: dondoo za kukariri Maandiko kwa ufanisi. Unaona, kuna nguvu katika Neno la Mungu. Limeutokeza ulimwengu wote kwa kutamkwa. Limezipindua falme na limewafufua wafu. Kwa kweli, Neno la Mungu ni madhubuti hasa, katu halirudi bure—daima linatimiza yale linayokusudia kufanya. (Angalia Isaya 55:11). Anza kuiweka nguvu ya namna hiyo moyoni mwako, ndipo maisha yako yote yataanza kubadilika. Jaribu, uone! Fungua ukurasa huu ili uanze... Mhariri, Amefichwa katika Kristo

Neema ya Ajabu

Survival Kit > Juma 1 > Malengo

Jina:			Saini:
Tarehe:

Uchunguzi wetu wa kwanza wa Biblia unaitwa Neema ya Ajabu. Soma tu maswali, tafuta aya husika kwenye Biblia, kisha jibu maswali kwa maneno yako mwenyewe. Tulia kidogo kabla ya kuanza kisha mwombe Mungu azungumze kupitia Neno Lake kadiri unapojifunza. Fikiria Uchunguzi huu wa kwanza wa Biblia kama utangulizi mfupi kuhusu Mungu. Hebu uweze kukupa mawazo mapya ya jinsi Yeye alivyo hasa.

Aya yako ya kwanza ya kukariri ni Yeremia 31:3. Iandike aya ya juma hili kwenye kadi na uichomeke kwenye furushi la aya kama ilivyoelezwa katika Dokezo #1. Kisha, fuata mapendekezo katika Dokezo #2 ili kuanza kuikariri. Fikia hatua ambapo unaweza kuinukuu aya hii kwa usahihi. Kadi na mafurushi yote vinapatikana kwenye Duka letu la Mtandaoni. Au ukipenda, tumia nyenzo zetu za kidijitali BILA MALIPO kwenye WWW.FAST.ST.

Tafuta kipengele cha somo hili chenye kichwa kisemacho Mapendekezo ya Kutendea Kazi. Huko utagundua siri zetu mbili za kwanza za kukariri kwa ufanisi. Soma taarifa hii kwa makini. Kufikia mwisho wa programu hii, lengo lako litakuwa kujua yote kumi—kwa mpangilio. Hivyo anza kujifunza madokezo haya mawili ya kwanza mara moja. Kulikariri Neno la Mungu ni tukio la kusisimua—uko tayari?

Neema ya Ajabu

Survival Kit > Juma 1 > Uchunguzi wa Biblia

Karibu kwenye Uchunguzi wa Biblia wa kwanza katika Nyenzo za Usalama za FAST. Masomo matano katika programu hii yatajikita kwenye misingi hiyo ya maisha ya Kikristo ambayo ni muhimu kwa ajili ya furaha na mafanikio yako ya muda mrefu. Uchunguzi wa Biblia wa Kwanza unahusu jinsi Mungu alivyo hasa, na maana ya kuwa mwana au binti wa Mungu. Songa mbele huku ukifanya maombi moyoni mwako, na ufurahie.

1.	Biblia inamtambulishaje Mungu? Mwanzo 1:1
2.	Mungu anajihusishaje katika ulimwengu wetu leo? Nehemia 9:6 Maombolezo 3:22-23 Zingatia: Mungu si dubwana fulani mtengeneza-saa aliyemaliza tu kuumba ulimwengu kisha akauacha ujiendeshe wenyewe. Badala yake, Biblia inamfafanua Muumbaji wetu kuwa anahusika sana katika hali yetu ya kuendelea kuishi, akituhifadhi na kututegemeza, siku kwa siku.

3.	Je, kila moja ya aya zifuatazo zinatuambia nini kuhusu Mungu? Zaburi 90:2 I Nyakati 29:11-12 Warumi 11:33 Zingatia: Mungu wa Biblia anaelezewa kuwa wa milele, mwenye nguvu zote, na hekima isiyo na kikomo. Kama ambavyo Yesu aliwahi kusema, “Kwa Mungu mambo yote yanawezekana" (Mathayo 19:26).
4.	Je, mlengwa maalum wa mawazo ya Mungu ni nani? Zaburi 139:1-6 Luka 12:6-7 Zingatia: Shauku makini ya Mungu iko kwako na maisha yako—sawa na mzazi mwenye upendo, anayetazama, akisubiri kutia moyo na kusaidia. Wakati fulani Yesu alisema, “Msiogope, enyi kundi dogo, maana Baba yenu ameona vyema kuwapa ule ufalme" (Luka 12:32).

5.	Hivi mawazo ya Mungu kwetu ni yapi? Yeremia 29:11 Zingatia: Mungu ana mpango maalum kwa ajili ya furaha yetu binafsi na anasubiri tu ushirikiano wetu ili autimize!
6.	Je, aya zifuatazo zinapendekeza nini kuhusu mpango wa Mungu kwa maisha yetu? Zaburi 84:11 Zaburi 37:4 Warumi 8:32 Zingatia: Mungu hatoi chochote ila kilicho bora kwa ajili yetu, na hatawanyima baraka wale wanaoishi kwa ajili Yake.
7.	Hivi tunapaswa kuitikiaje mipango ya Mungu kwa ajili ya maisha yetu? Waebrania 11:6 Zingatia: Mwitikio wa mwanadamu kwa mipango ya Mungu inayompendeza zaidi ni imani! Tunapaswa kutazamia kwa hamu kufunuliwa kwa mapenzi ya Mungu kwa ajili ya maisha yetu!

8.	Yesu anasema nini kuhusu imani katika aya zifuatazo? Mathayo 9:29 Marko 9:23 Zingatia: Inaonekana kuna sheria fulani ya msingi katika ulimwengu: kwamba utimizwaji wa mpango wa Mungu kwa ajili ya maisha yetu unahusiana moja kwa moja na imani yetu katika shauku ya Mungu kutufanya tufanikiwe na kuwa na furaha.
9.	Kwa kuzingatia taarifa ambazo tumejifunza hadi sasa, hisia gani zinapaswa kuujaza moyo wetu? Wafilipi 4:4

Hivi si ajabu? Siyo tu kwamba Mungu alikuumba, bali pia ana upendo wa dhati kwako, na shauku ya kudumu katika kila kipengele cha maisha yako. Kadhalika, Mungu ana mpango maridhawa kwa ajili ya maisha yako, uliokusudiwa mahususi kwa ajili ya furaha yako—na yuko tayari kutumia rasilimali zote za mbinguni ili kuhakikisha mpango huo unatimia! Je, unaamini hivyo? Kiasi cha kutosha kuitikia kwa shukrani na furaha? Hata pale mambo yanapoonekana yenye fadhaa zaidi? Kwa nini usichague leo, ili kuyatafuta mambo bora zaidi ambayo Mungu amekuandalia maishani mwako—kwa imani!

Ndiyo

Hapana

Neema ya Ajabu

Survival Kit > Juma 1 > Mapendekezo ya Kutendea Kazi

Katika majuma yajayo, Nyenzo za Usalama za FAST zitakuletea dondoo kumi za kutunza kumbukumbu ya Maandiko kwa ufanisi—zilizotolewa moja kwa moja kutoka kwenye Biblia. Tunapendekeza sana ufuate kanuni hizi kwa kina, hasa unapoanza. Kukariri Maandiko si lazima kuchukue muda au juhudi kubwa, na kwa haraka huweza kuwa na furaha na shangwe ya moyo wako—lakini kuna baadhi ya kanuni zenye manufaa unazopaswa kuelewa. Dondoo zetu mbili za kwanza zimeorodheshwa hapa chini:

Dondoo #1. Tumia Nyenzo Bora.

Ikiwa chuma ni butu, na wala mtu hakinoi, ndipo lazima atumie nguvu zaidi; lakini yafaa hekima kuelekeza. Mhubiri 10:10

Kama ambavyo shoka lenye makali hukuwezesha kukata idadi ileile ya kuni kwa kutumia nguvu kidogo, nyenzo nzuri ya kukariri Maandiko inaweza kukupa faida bora katika uwekezaji wako wa muda na juhudi. Pengine nyenzo bora zaidi ni pakiti ndogo—yenye kadi za maandiko—ambayo hutosha vizuri mfukoni mwako. Kadi na pakiti zinaweza kupatikana kwenye maduka mengi ya vitabu vya Kikristo—au kutoka FAST. Pia tunatoa nyenzo ya kidijitali BILA MALIPO inayosaidia kukariri, ambayo pengine unaweza kuijaribu.

Andika tu mstari unaotaka kukariri na marejeleo yake upande mmoja wa kadi ya maandiko, na kisha rejeleo tu nyuma ya kadi. Kisha, chomeka kadi hiyo kwenye mfuko unaoweza kuiona husika kwa nje kadi kwenye pakiti yako ya maandiko huku maneno ya mstari huo yakionekana kwa nje. Kama ukitembea na pakiti yako ya maandiko, unaweza kuichomoa wakati wowote unapokuwa na dakika chache na kuufanyia kazi mstari huo: ukitembea pembezoni mwa barabara, ukiketi eneo la taa za barabarani, ukisubiri kwenye foleni, nk. Komboa nyakati kama hizo kwa uangalifu, ndipo utaweza kujifunza maandiko mengi bila kulazimika kutenga nyakati maalum za kukariri. Kuingiza pakiti yako ya aya mfukoni kila asubuhi punde itakuwa mazoea kama vile kuchukua pochi au funguo zako.

Ikiwa wewe ni mtu upendaye kutumia kifaa vya kielekroniki—na kwa kawaida una simu yako karibu, FAST inakupatia kifurushi cha aya cha kidijitali bila malipo unachoweza kutumia, na hufanya jambo lilelile. Unaingiza tu aya zozote unazotaka kujifunza, kisha unazipata kwa kubofya mara moja kwenye simu yako—wakati wowote, mahali popote. Pia vina zana maundani kadhaa zinazowezesha kukariri ili kukusaidia kujifunza aya zako. Unaweza kuangalia zana hizi kwenye WWW.FAST.ST/VP.

Dondoo #2. Kariri Neno Kikamilifu.

Msiliongeze neno niwaamurulo wala msilipunguze, mpate kuzishika amri za Bwana, Mungu wenu, niwaamuruzo. Kumbukumbu la Torati 4:2

Neno la Mungu ni takatifu, nasi tunapaswa kuwa waangalifu sana kukariri kila “yodi na nukta” husika kwa usahihi. Jihadhari usije ukaongeza kwa bahati mbaya, au kuondoa kutoka kwenye Neno Takatifu la Mungu. Pia ni muhimu kuhusiana na kukariri kwenyewe. Kadiri unavyokariri aya kwa ukamilifu zaidi—ndivyo inavyochorwa kwa uthabiti zaidi katika ubongo wako. Somo la baadaye litaangalia umuhimu wa kurudia aya zilizokaririwa hivi karibuni. Utagundua ni muhimu kurudia aya fulani kwa njia ileile hasa kila wakati ili kuiweka kwenye hazina zako za kumbukumbu ya kudumu—kwa hivyo jifunze kwa usahihi, mara ya kwanza. Kumbuka, kukariri aya fulani kwa usahihi hukuhitaji juhudi zaidi ya vile inavyohitajika kukariri vibaya! Kwa ufupi, weka utaratibu wa kukariri aya zako kila wakati kwa usahihi.

Ili kukariri aya fulani, rudia tu kirai cha kwanza cha aya mara kadhaa hadi uweze kukikariri. Kisha ongeza kirai kifuatacho, ukivinukuu pamoja hadi vyote viwili viwe thabiti akilini mwako. Endelea kufanyia kazi zoezi hili, kirai kimoja kwa wakati, hadi utakapoikariri aya mzima: kwa usahihi. Pengine ukalazimika kujifunza upya aya fulani mara kadhaa katika siku chache zijazo, lakini kila wakati itakuwa rahisi zaidi, na hatimaye itaanza kunasa. Fanyia kazi kidogo kila siku, na Mungu atabariki juhudi zako.

Umeanza vizuri! Anza kutumia pakiti ya aya na ujifunze aya yako ya kwanza. Kumbuka—tumia muda mfupi wa ziada katika siku husika, kisha kariri kila aya kwa usahihi. Tutawasilisha dondoo zaidi kuhusu kukariri Biblia kwa ufanisi katika somo letu lijalo.