Moto katika Mifupa Yangu

Revival Keys > Juma la 2 > Dokezo

Dokezo: Habari tena. Je, umekuwa ukifikiria zaidi kuhusu hitaji letu la uamsho? Muhimu zaidi, hivi umeazimu kwa dhati kuutafuta? Natumaini hivyo. Juma hili tutaanza kuchunguza masharti ya uamsho kwa undani zaidi. Kwa namna mahususi, tutaangazia zaidi umuhimu wa kujifunza Biblia kwa umakini katika kuweka msingi wa uamsho. Iwapo umekuwa sehemu ya FAST kwa muda fulani, unajua umuhimu wa kukariri Biblia kama njia ya kuanzisha uzoefu wetu wa Kikristo. Na unajua umuhimu wa ibada ya kujifunza kila siku yenye msisitizo wa matumizi binafsi, ili kunawirisha na kuimarisha maisha yetu ya kutembea na Mungu. Lakini ili kupata aina ya uamsho ambao Mungu anataka kwa watu Wake, tutalazimika kuchimba zaidi. Kuna hazina nyingi sana zilizofichwa ndani ya Neno la Mungu. Na kuawana na kweli hizi, kwetu binafsi, kutasaidia sana kuandaa mioyo yetu kwa ajili ya uamsho. Lipatie somo la juma hili juhudi zako bora zaidi... Mhariri, Amefichwa katika Kristo

Moto katika Mifupa Yangu

Revival Keys > Juma la 2 > Malengo

Jina:			Imesainiwa na:
Tarehe:

Uchunguzi wetu wa Biblia juma hili unaangazia Yohana 6:51-69. Katika ibara hii ya maandiko, Yesu anawasilisha moja ya maelezo Yake dhahiri zaidi kuhusu nafasi ambayo Maandiko yanapaswa kuwa nayo maishani mwetu. Kwa hakika, maneno Yake yalikuwa na nguvu sana, watu wengi walimpa kisogo. Jifunze ibara hii ya maandiko kwa makini—halafu bainisha jinsi unavyoitikia kile alichosema.

Soma kurasa zenye kichwa habari kisemacho Kulichunguza Neno, kisha tumia mapendekezo ili kuboresha Uchunguzi wako wa Biblia wa juma hili. Leta maswali yoyote uliyo nayo kwenye mkutano wenu unaofuata wa timu. Kujua jinsi ya kuchanganua na kutumia ibara muhimu za Maandiko ni sharti muhimu kwa ajili ya uamsho.

Juma hili, aya yako ya kukariri ni Zaburi 119:18. Njoo kwenye mkutano unaofuata wa timu ukiwa umejitayarisha kunukuu aya hii, pamoja na aya ya juma lililopita, kwa usahihi. Na kisha endelea kurudia aya hizi kila siku. Kumbuka, lengo letu siyo tu kujifunza aya mpya, lakini pia kutozisahau!

Nyenzo ya ziada za juma hili zinashughulikia njia tano ambazo tunaweza kutumia ili kuimarisha ulaji wetu wa Maandiko. Hakikisha kila moja ya hizi ni sehemu ya maisha yako. Inaitwa Uingizaji wa Biblia.

Endelea kuomba juma hili ili Mungu alete uamsho kwako na kwa timu yako. Ombeni kwa namna mahususi kwamba Mungu awape kila mmoja wenu maarifa tele ya Maandiko yatakayokuwa kama moto katika mifupa yenu.

Moto katika Mifupa Yangu

Revival Keys > Juma la 2 > Kuchunguza Maandiko

Mada: Yohana 6:51-69

Muhtasari Mfupi:

---

---

---

---

---

---

---

Maoni/Dondoo:

---

---

---

---

---

---

---

Kanuni & Matumizi:

1.
2.
3.
4.

Wazo Kuu:

---

---

---

---

Moto katika Mifupa Yangu

Revival Keys > Juma la 2 > Mapendekezo ya Kivitendo

Kulichunguza Neno

Biblia haifanani na kitabu kingine chochote. Zaidi ya maelezo ya kina yastaajabishayo kuhusu asili yake, uhifadhi, na usambazaji wake ulimwenguni pote, hudai yenyewe kuwa na hadhi ya pekee miongoni mwa vitabu vyote: ile ya kuvuviwa na Mungu. “Maandiko yote yameletwa kwa uvuvio wa Mungu” (2 Timotheo 3:16). “Watu watakatifu wa Mungu walinena wakiongozwa na Roho Mtakatifu” (2 Petro 1:21). Na uwepo wa Roho bado unaweza kuonekana katika kurasa zake leo.

Yesu aliweka wazi hali hii ya kiroho ya Biblia: “maneno hayo niwaambiayo ni roho, tena ni uzima” (Yohana 6:63). Naye aliwaahidi wale waliokuwa radhi kuchunguza kurasa zake, kwamba Roho “angewafundisha yote,” na “kuwaonesha mambo yajayo” (Yohana 14:26; 16:13). Na hatimaye, kwamba Roho angemfunua Kristo katika kurasa hizo (Yohana 15:26). Kwa wale wanaoomba, Mungu huahidi kuwaonesha “mambo makuu na yenye kustaajabisha" (Yeremia 33:3).

Ikiwa una nia ya dhati juu ya uamsho, huna budi kuchunguza kwa undani zaidi mafumbo ya Biblia yasiyo na ukomo. Na hilo humaanisha kuweka kusudi la dhati katika kuichunguza.

Mbinu za Kujifunzia

Ingawa kuna njia nyingi tofauti za kuichunguza Biblia, kwa ujumla zinaangukia moja ya makundi mawili: dukizi au fasirishi. Mbinu dukizi huwa na mwelekeo wa kuzingatia aya fupi zenye changamoto, huku ikiibua kanuni—bila kuingiza mawazo ya awali juu yake. Mbinu fasirishi hufanya kinyume chake. Huanza na dhana au fundisho fulani, na kisha hujaribu kukusanya na kupangilia aya zote zinazounga mkono mtazamo huo. Uchunguzi dukizi husisitiza matumizi. Uchunguzi fasirishi husisitiza uthibitisho.

Ingawa kuna mahali halali kwa zote mbili, mbinu dukizi ni muhimu hasa kwa wale wanaotafuta uamsho. Kwa sababu hutuhitaji tuiendee Biblia kwa moyo mwelekevu, badala ya mawazo na imani tulizokuwa nazo awali, humfungulia Mungu njia ya kuwasiliana nasi binafsi. Kwa sababu tunatafuta kutambua kile ambacho aya fulani inasema, kwa kuichunguza Biblia moja kwa moja, Roho Mtakatifu anaweza kutuonesha mambo ambayo kamwe hatujawahi kuona hapo awali. Mada kuu zinazobadilisha jinsi tunavyotazama maisha, nafsi, ulimwengu, huduma na zaidi. Mara nyingi ni uvumbuzi huu binafsi unaoongozwa na Roho ndio hupanda mbegu madhubuti zaidi kwa ajili ya uamsho mioyoni mwetu.

Mpango Rahisi

Kote katika masomo yetu ya Funguo za Uamsho, tutakuwa tukikuhimiza kutumia mbinu dukizi ili kujifunza aya moja kila wiki. Tunakuhimiza kuyazingatia masomo haya kwa dhati. Weka bidii zote kwenye ujuzi wako wa utafiti. Chimba kina zaidi. Msihi Mungu akupe ufahamu. Ruhusu aya ya maandiko inene yenyewe. Kisha dumisha mtazamo wako kwenye kanuni na matumizi binafsi.

Katika aya iliyo hapa chini tutaelezea mpango rahisi wa kujifunza kwa udukizi. Fuata mapendekezo haya kwa umakini, na unaweza tu kufanikisha ugunduzi fulani utakaokuwa kama "moto uwakao" uliofungiwa katika mifupa yako (Yeremia 20:9).

1.	Sala. Kabla ya kuanza, daima ni muhimu kumwalika Roho Mtakatifu awe mwalimu na kiongozi wetu. Dai ahadi kama vile Yeremia 33:3, Yakobo 1:5, na Yohana 14:26. Pili, tumia muda wa kukusudia moyoni mwako kwamba utatekeleza chochote kile utakachogundua. Tazama Ezra 7:10For Ezra had prepared his heart to seek the law of the LORD, and to do it, and to teach in Israel statutes and judgments., Yakobo 1:22, n.k. Kumtegemea Roho Mtakatifu akufundishe na kuazimu kutenda kulingana na mapenzi Yake yaliyofunuliwa ni masharti mawili muhimu ya kupokea mafundisho ya kiungu. Hauko tayari kabisa kuanza, hadi pale utakapokuwa umedhamiria kufanya lolote ambalo Mungu anasema!
2.	Muhtasari Mfupi. Tafuta na kuielewa aya utakayokuwa ukiichunguza. Isome mara kadhaa, ukizingatia kwa makini maneno husika kadiri unapoendelea. Tafuta maneno yoyote usiyoyajua kwenye kamusi. Durusu muktadha mpana zaidi kwa ufupi. Soma tafsiri tofauti ikiwa inasaidia. Jaribu kupata hisia ya kile ambacho mwandishi anasema, na kisha kieleze kwa ufupi kwa maneno yako mwenyewe. Fupisha vidokezo vyako, na epuka kuingia kwenye uchanganuzi katika hatua hii. Andika muhtasari tu wa kile ambacho aya husika inasema.
3.	Maoni/Dondoo. Anza kuandika madokezo kuhusu jambo lolote linalokuvutia. Je, kuna maneno yoyote yanayoonekana kuwa muhimu sana? Nini unaweza kugundua kuhusu hayo katika kamusi ya Kiyunani au Kiebrania, au thesauri? Tumia itifaki ili kutafuta aya husiani—au ikiwa una Biblia ya kujifunzia, fuata baadhi ya marejeo mtambuka humo. Je, unaikumba aya yoyote uliyoikariri? Tumia muda kidogo kukusanya maelezo ya msingi. Nani aliyeandika aya husika? Lini? Kutoka wapi na akimwandikia nani? Mazingira yalikuwaje? Je, unaona ufanano wowote au muundo fulani katika aya hizo, au labda mada inayojirudia? Usijaribu kutathmini iwapo dondoo hiyo ni muhimu au la katika hatua hii. Endelea kuwa tayari kupokea mawazo mapya, na uandike chochote kinachokuvutia unachogundua kadiri unapochunguza.

4.

Kanuni & Matumizi. Baada ya hapo, tumia muda fulani kuitafakari aya hiyo. Je, ni mambo gani matatu au manne muhimu zaidi ambayo mwandishi huonekana kujaribu kuyabainisha? Je, kuna onyo lolote kuhusu dhambi fulani? Ushauri au nasihi fulani? Sifa ya kitabia ya kuiga, au kuepuka? Onyo fulani muhimu, au amri? Zingatia zile kanuni zinazoonekana kuwa muhimu zaidi kwenye aya hiyo na uziandike. Kisha, kwa kila kanuni, tumia muda fulani kufikiria unavyoweza kuitumia maishani mwako mwenyewe. Je, ni mradi gani mahususi ambao ungeweza kuufanya ili kujenga ukweli huo maishani mwako? Jaribu kubuni na mpango fulani mdogo wa utendaji kwa kila kanuni muhimu, kisha azimu kuufuatilia.

5.

Wazo Kuu. Hatimaye, durusu aya ambayo umekuwa ukijifunza kwa mara nyingine tena, pamoja na kazi yako yote hadi sasa. Nini huchoonekana kuwa mada moja muhimu zaidi katika aya hii? Ujumbe mkuu? Awana nayo hadi uweze kuifupisha kile inachosema katika sentensi moja fupi. Huenda ukahitaji kurekebisha sentensi hiyo mara moja au mbili ili kunasa kiini cha aya husika kikamilifu zaidi, au kuyafanya maneno yako yawe mafupi zaidi. Endelea nayo tu—hadi utakaporidhika na matokeo. Kumbuka, sentensi moja tu!

Unaweza Kulifanya Hilo

Haihitaji uwezo wowote maalum kuwa mwanazuoni wa Biblia—lakini itahitaji jitihada fulani. Huna haja ya kwenda seminari, au kujifunza Kiyunani na Kiebrania. Na wala huhitaji maktaba kubwa au nyenzo aghali za halaini (programu ya kompyuta). Wala hata huhitaji kipaji cha pekee. Biblia nzuri ya kujifunzia, itifaki nzuri, na imani katika Roho wa Mungu ili akufundishe ndiyo tu unayohitaji hasa.

Bila shaka, unaweza kuwa na uhakika kwamba Ibilisi atafanya kila liwezekanalo ili kuzuia juhudi zako za kuingia katika Neno. Anaweza kunong'oneza sikioni mwako kwamba ni ngumu sana, au kwamba siyo karama yako. Au huenda tu akajaribu kukufanya uwe na shughuli nyingi sana kiasi kwamba usipate muda wa kujifunza kwa kina. Usiruhusu hilo litokee. Uamsho halisi hutumia muda halisi katika Neno.

Jinong'oneze ombi la Mtunzi wa Zaburi: "Unifumbue macho yangu ili niyatazame maajabu yatokayo katika sheria" (Zaburi 119:18). Kisha fungua Biblia, anza uchunguzi wako katika roho ya matazamio—ukitarajia Mungu anene, na kuhuisha moyo wako (Zaburi 119:93). Je, Mungu atasema nini?


Kumbuka: Kwa taarifa zaidi kuhusu mbinu zingine za kuichunguza Biblia, na jinsi ya kuyajenga Maandiko maishani mwako, angalia miongozo yetu ya kujifunza iitwayo Hodari katika Neno kwa kututembelea katika WWW.FAST.ST.   
     

Moto katika Mifupa Yangu

Revival Keys > Juma la 2 > Nyenzo za Ziada


Je, ungependa kukuza uwezo wako wa uingizaji wa Maandiko? Jenga stadi hizi tano maishani mwako, na punde utagundua uwezo wako wa kulishikilia Neno la Mungu ukizidi kuimarika.

Sikiliza ikifundishwa: Mungu amewakirimia dhahiri wanaume na wanawake fulani uwezo wa kuelewa na kuyafafanua Maandiko kwa ufanisi. Tumia fursa ya karama hizo! Sikiliza mara kwa mara mahubiri mazuri, na uandike madokezo mazuri. Tunza taarifa bora zaidi, na punde utakuwa na hazina ya maarifa muhimu.

Jisomee mwenyewe: Kuisoma Biblia yote, hukupa muhtasari mpana ambao husaidia kuweka sehemu mbalimbali za Maandiko katika muktadha. Pia hukusaidia kupata zile aya "maalum" hukidhi hitaji fulani, lakini zimefichika katika maeneo yasiyojulikana. Soma kwa mpangilio na kasi yoyote, lakini rekodi kila sura unayoimaliza ili kuhakikisha kwamba hakuna kitu kinachorukwa. Yote yakikamilika, anza tena.

Ichunguze kwa makini: Kujifunza kwa utaratibu maneno muhimu, mada za misingi ya imani, wasifu wa Biblia, na aya maalum kunahitajika ili kupata ufahamu sahihi zaidi wa Maandiko. Nyenzo muhimu za kujifunzia zinajumuisha itifaki ya kutafutia marejeleo mtambuka, Leksikoni ya Kiyunani/Kiebrania ili kuchunguza maana asilia ya maneno, na tafsiri nyingi, pamoja na intalinia nzuri. Nyenzo zingine muhimu ni pamoja na kamusi ya Biblia, thesauri, na vitabu vya fafanuzi. Anza kukusanya hizi, na ujifunze jinsi ya kuzitumia.

Ikariri mara kwa mara: Kukariri hukuwezesha kutunza daima akilini mwako dondoo unazopata kupitia kusikia, kusoma, na kuchunguza. Pia husaidia kuyafanya Maandiko yapatikane kila wakati. Panga hatua ya kukariri aya mpya kila juma, na udumishe mfumo mzuri wa kufanya marudio.

Tumia maishani mwako: Ufunguo muhimu zaidi wa kuingiza Maandiko moyoni ni utekelezaji—kujenga Maandiko katika mitazamo, chaguzi, miitikio yetu. Hakikisha unachanganya kila njia hapo juu na kutafakari na matumizi. Iwe unasikiliza hubiri fulani, unasoma kitabu fulani cha Agano la Kale, unachunguza aya fulani kwa kina, au unakariri aya fulani—matumizi ndiyo hubadilisha maisha.