Siri ya Kuzidisha

Kozi Mafunzo ya Msingi > Juma la 8 > Dokezo

Dokezo: Karibu tena kwenye somo ambalo pengine ni lenye nguvu zaidi katika programu hii nzima. Unakaribia kugundua mpango mkuu wa Yesu Kristo kwa kila mwanafunzi. Utapata katika somo hili mkakati makini sana kiasi kwamba unaweza kuleta mapinduzi katika kila kitu ambacho umewahi kufikiri kuhusu Wito Mkuu. Utaona ndani yake umahiri wa Yesu Mwenyewe, kwa kuwa ni mpango Wake wa kuufikia ulimwengu wetu unaougua dhambi. Kwa kweli mpango huu ni kuzidisha kiroho. Je, unatambua kwamba iwapo mfanyakazi aliyejitoa angeweza tu kuzaa mwenyewe mara moja kila mwaka, idadi hiyo ingefika elfu moja kwa miaka kumi? Idadi hiyo ingekua hadi kufikia milioni kwa miaka ishirini, na kupita bilioni ndani ya miaka thelathini. Na ingezidi idadi ya watu wa sasa duniani ndani ya miaka michache mingine. Hiyo ndiyo nguvu ya kuzidisha kiroho! Lakini jambo muhimu, bila shaka, ni mafunzo. Kila mwanafunzi lazima awezeshwe ili azae. Hapawezi kuwepo mivunjiko kwenye mnyororo huo. Na wewe, licha ya hayo, sasa ni sehemu ya mnyororo huo. Mhariri, Amefichwa katika Kristo

Siri ya Kuzidisha

Kozi Mafunzo ya Msingi > Juma la 8 > Malengo

Jina:			Saini:
Tarehe:

Kamilisha Uchunguzi wa Biblia wenye kichwa kisemacho Siri ya Kuzidisha. Lipatie somo hili umakini wako wa kina zaidi. Hakikisha unafahamu kikamilifu mkakati wa Kristo kuufikia ulimwengu wetu—na kisha ujitoe kikamilifu kuifanya kazi hiyo.

Aya ya juma hili ni Isaya 60:22. Na hii ni ahadi madhubuti ilioje! Idai kwa ajili yako mwenyewe. Hili ni somo letu la pili kutoka mwisho—kwa hiyo fanya uwezavyo ili kuimarisha aya zozote usizozijua vyema. Rudia! Rudia! Rudia!

Soma Mapendekezo ya Kutendea Kazi kuhusu kuanza huduma yako kama mshirika wa kuwafanya watu kuwa wanafunzi. Hapa utapata maelekezo ya hatua kwa hatua ili kuwapitishia wengine mambo ambayo umekuwa ukijifunza. Mwombe Mungu akusaidie uanze kuwatambua watu walio karibu nawe wenye njaa ya kukua kiroho. Labda Mungu atakutumia ili kuanzisha timu yako mwenyewe ya FAST.

hujui hesabu vizuri, unahitaji tu kufahamu wazo kuu. Tunaiita Chati ya Kuzidisha. Itafakari kwa makini. Na, endelea kupitia upya vielelezo vyote ambavyo tumejifunza hadi sasa. Azimu kuvijua vyote!

Siri ya Kuzidisha

Kozi Mafunzo ya Msingi > Juma la 8 > Uchunguzi wa Biblia

1.	Je, Injili inapaswa kwenda mbali kiasi gani? Marko 16:15
2.	Yesu alisema kuna ufunguo gani wa kutimiza jambo hili? Mathayo 9:37-38
3.	Nini lilikuwa kusudi la Yesu kuwaita wanafunzi kumi na mbili? Marko 3:14
4.	Ni yapi baadhi ya masomo aliyowafundisha? Mathayo 6:6 Yohana 8:31-32 Yohana 15:14 Luka 9:2

5.	Je, matokeo ya mafunzo yao yalikuwa yapi? Matendo 4:33 Matendo 6:7
6.	Yesu aliwaambia wanafunzi Wake wafanyie nini mafunzo yao? Mathayo 28:19-20
7.	Paulo alisafiri na nani katika safari zake za umishenari? Matendo 20:4
8.	Ni yapi baadhi ya masomo ambayo Paulo aliwafundisha wengine? I Timotheo 2:1 II Timotheo 2:15 I Wathesalonike 4:1 Wafilipi 2:15-16

9.	Je, matokeo ya mafunzo ya Paulo katika makanisa ya awali yalikuwa yapi? Matendo 19:8-10 I Wathesalonike 1:5-8
10.	Paulo alitarajia wale aliowafundisha wafanyie nini mafunzo yao? II Timotheo 2:2
11.	Je, ni ulinganifu gani unaouona kati ya mbinu ya Paulo ya huduma na ile ya Kristo? Unaweza kuandikaje muhtasari kuhusu mpango wa Agano Jipya wa kueneza injili ulimwenguni?
12.	Je, uko radhi kiasi gani kujitoa sasa hivi kwa ajili ya huduma maalumu ya kuzidisha kiroho kupitia kuwekeza katika maisha ya wengine? Kwa nini usiandike jibu lako liwe sala fupi kwa Mungu?

Siri ya Kuzidisha

Kozi Mafunzo ya Msingi > Juma la 8 > Mapendekezo ya Kutendea Kazi


Utume Mkuu hutuagiza siyo tu kuihubiri Injili, bali pia kuwafanya wanafunzi: kuwafundisha yale ambayo tumefundishwa. Na ndio ungali mpango wa Mungu leo. Tunapaswa kuwakabidhi watu waaminifu mambo ambayo tumekabidhiwa—maana ingawa mavuno ni mengi, watendakazi ni wachache. Iwapo tunataka siku moja tuufikie ulimwengu huu, lazima tujifunze kuzingatia kuwaandaa watendakazi!

Iwapo umekuwa mwenye bidii katika kutekeleza kila moja ya malengo katika programu hii hadi sasa, unapaswa kuwa na sifa za kutosha kuanza kuwekeza katika maisha ya wengine. Kinachohitajika tu ni kuwa na kitu fulani kinachostahili kukipitisha kwenda kwao! Lakini hapa chini kuna dondoo chache ambazo bila shaka utagundua zina manufaa katika kuzindua timu yako ya mafunzo.

Kuchagua Viongozi

Kabla ya kuzindua timu ya FAST, tunapendekeza sana uwatafute watu wachache ili wakusaidie kuiongoza timu hiyo. Kuwafanya watu wawe wanafunzi siyo kazi rahisi, na ili kuifanya kwa ufanisi, ni vyema kugawana majukumu pamoja na mtu mmoja au wawili wengine. Kufanya kazi na wale wenye nguvu tofauti kutakusaidia kuepuka kuendeleza madhaifu yako mwenyewe. Na itawasaidia wale unaowafunza wasishikamane sana na mtu mmoja tu.

Wakati wa kuchagua viongozi watarajiwa, angalia hasa watu ambao ni:

       Waaminifu — Hukamilisha kazi na hujitahidi kuwa thabiti.
       Wanaopatikana — Walio tayari kutenga muda kwa ajili ya Mungu katika ratiba yao.
       Kiroho — Hudumisha Maandiko kwenye kiini cha fikra zao.
       Wanaofundishika — Waelekevu katika kupokea mawazo mapya na kujaribu mambo mapya.

Kuwa mwangalifu kutenga muda kwa watu ambao ni:

       Wadhambi — Wasio radhi kuacha tabia na mazoea maovu.
       Wavivu — Wasioweza kutumia juhudi zinazohitajika ili kuikamilisha kazi.
       Wakaidi — Waliojikita kwenye njia zao, au wasiotaka kubadilika.
       Wapendao Dunia — Walionaswa katika mali ya muda kitambo na malengo ya kidunia.

Ikiwa tayari unakutana na mtu mmoja au zaidi, kwa kutumia mbinu yetu ya Mfumo wa Usahibu, unapaswa kuwa na utambuzi mzuri kuhusu watu gani wanaweza kuwa viongozi-wenza wazuri.

Uhawilishaji

Moja ya njia bora za kuanza kuwafunza wengine, ni kuanza kutenda kazi kupitia njia yetu ya uanafunzi, ukianza na Nyenzo za Usalama za FAST. Kozi hii ni utangulizi rahisi wa majuma matano ya kukariri Maandiko utakaowasaidia kuwatayarisha kwa ajili ya kozi zenye changamoto zaidi, kama vile Mafunzo ya Msingi na Funguo za Uamsho. Lakini ni muhimu kuiongoza timu yako ipasavyo—ili isigeuke kuwa kundi lingine la kujifunza, lenye matokeo kidogo maishani mwao.

Ili kufanya hivyo, hakikisha kila kikao kinajikita kwenye maelekezo yetu ya mafunzo yenye hatua nne. Kariri kanuni hii na uifuate kwa kina:

       Waambie kwa nini — kutoka kwenye Maandiko
       Waoneshe namna — maishani mwako mwenyewe
       Wasaidie waanze — na miradi midogo
       Wahimize waendelee — kwa kujenga mwenendo wa kujitoa

Kwa maelezo zaidi kuhusu kuwa mshirika wa kuwafanya watu kuwa wanafunzi, tumetayarisha kozi nzima fupi inayoitwa Sanaa Iliyopotea. Unaweza kujiandikisha kwenye WWW.FAST.ST/LOSTART. Pia tuna Mwongozo wa Viongozi usiolipishwa na kijitabu kidogo kiitwacho Kanuni ya Mlipuko iliyoundwa ili kuibua uwezo wako kwa ajili ya mkakati wa kuzidisha! Pia tunakupatia nyenzo nyingi za kufundishia, na mengi zaidi. Tazama haya katika WWW.FAST.ST/BT-GIFT.

Umuhimu wa Kujitoa

Kabla ya kujitoa kuiongoza timu, hakikisha wanatimu wako wamejitoa pia. Wajulishe kwamba utakuwa ukiwasaidia kuandaa malengo, kuwapa changamoto ili wafikie malengo hayo, na kisha kukagua maendeleo yao. Watu wengi wanahitaji aina hii ya usaidizi ili wafanikiwe kujenga kanuni mbalimbali za uanafunzi maishani mwao na kukuza aina yoyote ya uthabiti.

Ikiwa hawako tayari kujitoa kwa ajili ya aina hii ya uwajibikaji, na wewe hujajitoa kusisitiza juu yake—pengine hawatafika mbali sana katika mafunzo yao. Kumbuka, kujitoa ndio ufunguo!

Siri ya Kuzidisha

Kozi Mafunzo ya Msingi > Juma la 8 > Kielelezo



Chunguza chati hii hapa chini ili kuona matokeo ya mtu mmoja anayefanikiwa kumpata na kumfundisha mtu mmoja kila mwaka kufanya vivyo hivyo. Mwishoni mwa mwaka wa kwanza, watakuwepo watendakazi wawili, waliojitoa kuwafanya watu kuwa wanafunzi. Mwishoni mwa mwaka wa pili, idadi ya watendakazi itaongezeka hadi wanne. Na kadhalika:

	Mwaka	Watendakazi		Mwaka	Watendakazi
	1	2		18	262,144
	2	4		19	524,288
	3	8		20	1,048,576
	4	16		21	2,097,152
	5	32		22	4,194,304
	6	64		23	8,388,608
	7	128		24	16,777,216
	8	256		25	33,554,432
	9	512		26	67,108,864
	10	1,024		27	134,217,728
	11	2,048		28	268,435,456
	12	4,096		29	536,870,912
	13	8,192		30	1,073,741,824
	14	16,384		31	2,147,483,648
	15	32,768		32	4,294,967,296
	16	65,536		33	8,589,934,592
	17	131,072

Kufikia mwaka wa 33, idadi ya watendakazi itazidi idadi ya watu duniani—na haya yote hutokea kwa kufanikiwa kumpata na kumfundisha mtu mmoja tu kwa mwaka. Huu ndio umahiri wa Utume Mkuu!